યજ્ઞમાં આમંત્રણ
અશ્રુની સૈયારી ધારાઃ
સૈયારી નિઃશ્વાસે જ્વાળા !
પ્રેમ સૈયારી પીડાઃ
આ છે ખાકે સૈયારી - વ્લાલાં સૈયારી !
સાથી ના મૂકીને જાશેઃ
સાથી સાથે રોશે, ગાશેઃ
દિલની ખાક દિલે ચોળશેઃ
ચોળો હર્ષે સૈયારી - વ્હાલાં સૈયારી !
શાનાં સૈયારી વિણ સુખડાં ?
સૈયારી ત્યાં શાનાં દુઃખડાં:
તોફાને હસવીશું મુખડાં:
લાવો નૌકા સૈયારી - વ્હાલાં સૈયારી !
સૈયારી સપનામાં આવ્યાં:
કફની આ ભગવી ત્યાં લાવ્યાં:
પ્હેરાવીને ને ના પ્હેરી કાં ?
આવો આવો, સૈયારી - વ્હાલાં સૈયારી !
વ્હાલાં! આપું જે પામ્યો તેઃ
વ્હાલાં! પામું જે આપ્યું છેઃ
સૈયારી જગવી'તી હોળીઃ
લેવી સૈયારી ઝોળી - વ્હાલાં સૈયારી !
૯-૧-૯૮
રજાની માગણી
ત્રોફ્યું જિગર ! તું છે ખુશી ! હાવાં રજા દેવી ઘટે !
બાકી રહ્યા ઘા હોય તો બે ચાર દઇ દેવા ઘટે !
ત્હેં શું કર્યું, તે આ બદન ખોલી બતાવાતું નથી !
ઝંજીરથી છોડી મગર કૈં શ્વાસ તો દેવો ઘટે !
