આ પાનાનું પ્રુફરીડિંગ થઈ ગયું છે
આનંદ
૧૧૯
સર્વગોચર
• પદ[૧] •
નાથ ! જ્યાં જ્યાં હું જોઉં ત્યાં તું જ રે !
તું જ ખીલી રહ્યો વિશ્વકુંજ રે :
નાથ ! બીજે ક્યાં જઈ તને શોધવો એ જી ? - (ધ્રુવ)
કનકે રેલ્યાં દ્વારથી રે
દીસે સૂર્યભર્યો તુજ હાથ ;
જ્યોતિફુવારા ફોરતો
સૌને તેમાં ઝગાવે સાથ રે :
નાથ ! બીજે ક્યાં જઈ તને શોધવો એ જી ? ૧
સંધ્યા ઉષાના કેશમાં રે
તારી અંગુલિઓ કરે ગેલ ;
પળપળ નવનવ રંગમાં
તેમાં રેલે હૃદયરસ રેલ રે !
નાથ ! બીજે ક્યાં જઈ તને શોધવો એ જી ? ૨
- ↑ "સાધુ ! વોહી બિધ રહેના રામસે એ જી." — એ ભજનની રાહ.
