આ પાનાનું પ્રુફરીડિંગ થઈ ગયું છે
૧૨૮
કલ્યાણિકા
મસ્ત હલે રતનાગર સાગર, ફાગ રમી અમી મંથે ;
તતથેઈકારે ગગન ઘન ઘૂમે, રસબસ થઈ ભૂમિપંથે :
દિસે દોર ઝૂલતા દિગંતે ! —
નાથ નાચે અનંતે ! ૪
ભીતર બાહર, ગુપ્ત કે જાહર, ફાગ જ વિશ્વ સાદ્યંતે,
એ પીચકારી ઝીલીને ભીંજાવી આ જગત ભગત સાધુ સંતે,
અમર હોરી ગાઈ ગુણવંતે ! —
નાથ નાચે અનંતે ! ૫
આવોની ભૈયા ! ખલક ખેલૈયા ! તતતતથૈયા જ અંતે !
એ રસરંગે સતત વિશ્વસંગે આ રમિયે આનંદે વસંતે !
અદ્દલ આવો હૃદય હસંતે ! —
નાથ નાચે અનંતે ! ૬
સતત ખેલો વિશ્વવસંતે,
નાથ સાથે અનંતે !