પૃષ્ઠ:Kalyanika - Gu - By Ardeshar Khabardar.pdf/૧૩૬

વિકિસ્રોતમાંથી
આ પાનાનું પ્રુફરીડિંગ થઈ ગયું છે
આનંદ
૧૨૯
 




પ્રભુનાં તેડાં

• રાગ જોગીઆ - તાલ દાદરો •


પ્રભુ ! તારાં તેડાં તે આવશે ક્યારે ?
ઊભો તારી આંગણે જોતો હું વાટ :
પ્રભુ ! તારા શબ્દ સુણાવશે ક્યારે ?
ક્યારે મારા ટાળશે ઉરના ઉચાટ ?- ( ધ્રુવ )

આંગણ વાળ્યાં, પાણીડાં છાંટ્યાં,
પૂર્યા આ ચંદનચોક :
સાંજે, સવારે, બપોરે કે રાતે એ
આવે ઓચિંતાં આલોક :

પ્રભુ ! મારાં દ્વાર દીપાવશે ક્યારે ?
ધોયા મારા આંસુનીરે ઉરઘાટ :
પ્રભુ ! તારાં તેડાં તે આવશે ક્યારે ?
ઊભો તારી આંગણે જોતો હું વાટ. ૧

મારે વસંત કે વર્ષા હેમંત શી ?
મારે શી આજ કે કાલ ?
જાવું સ્વધામે સ્વજનમાં તો મધુરું ;
હું તો પ્રભુ ! તુજ બાળ :