આ પાનાનું પ્રુફરીડિંગ થઈ ગયું છે
૧૩૦
કલ્યાણિકા
પ્રભુ ! તારે હૈયે સમાવશે ક્યારે ?
ક્યારે મારાં ચુંબશે ધગતાં લલાટ ?
પ્રભુ ! તારાં તેડાં તે આવશે ક્યારે ?
ઊભો તારી આંગણે જોતો હું વાટ. ૨
સ્વજન રડે કે સ્નેહી રડે ઘડી ;
મારે તો હાસ્ય અનન્ય :
હો પ્રભુ ! તારાં આ અંત્ય મિલનથી
અવર કશું વધુ ધન્ય ?
પ્રભુ ! તારી વીજ ઝળાવશે ક્યારે ?
ક્યારે પડે અક્ષર તુજ નભપાટ ?
પ્રભુ ! તારાં તેડાં તે આવશે ક્યારે ?
ઊભો તારી આંગણે જોતો હું વાટ. ૩
વાદળ ખસશે, આભ ઊઘડશે,
ખોલશે બારી અદીઠ ;
લાખો સૂર્યોનાં તેજ ઝબૂકશે,
ઠરશે ત્યાં તો મુજ મીટ !
પ્રભુ ! મારાં હૈયાં હસાવશે ક્યારે ?
ક્યારે એવાં દર્શન મળશે વિરાટ ?
પ્રભુ ! તારાં તેડાં તે આવશે ક્યારે ?
જોઉં તારી જીવનભર અહીં વાટ. ૪
