આ પાનાનું પ્રુફરીડિંગ થઈ ગયું છે
આનંદ
૧૩૧
દૂર જતાં ડગલાં
• રાગ ભૈરવી — તાલ ત્રિતાલ •
આવે આવે આછાં તેજ ને વિલાય :
સતાવો હજી શાને, ભલાં ?
મારા જીવનનો દીવડો ઝુમાય :
સતાવો હજી શાને, ભલાં ?— ( ધ્રુવ )
કોટિક દીવાભરી આવી દીવાળી,
રૂપાળી ને રઢિયાળી રે ;
કાળી કાળી રજનીને કરતી અજવાળી, તોય
નિરખું નિરાળી ન્યાળી ન્યાળી :
સતાવો હજી શાને, ભલાં ?
દૂર દૂર દિશા ખુલતી દેખાય :
સતાવો હજી શાને, ભલાં ?
આવે આવે આછાં તેજ ને વિલાય :
સતાવો હજી શાને, ભલાં ? ૧