આ પાનું પ્રમાણિત થઈ ગયું છે.
ઝંખના
૫
અમૃતતૃષા
• પદ*[૧] •
આવોને સંતો ! આવો, સાહેબના ઓલિયારે !
સતના તરસ્યાને રાખો સંગે રે !
ભારે આ અમૃતની તૃષા છે લાગી રે,
ઉરના અંગાર જળે અંગે રે !
આવોને સંતો ! આવો, સાહેબના ઓલિયા રે ! ૧
સારા સંસારનાં આ બળતાં ભભૂકતાં રે
ચૌદે બ્રહ્માંડ બાળી નાખે રે;
ધગધગતું જીવનનું વન આ રહે ધીખી રે,
પડે ત્યાં શોષ અંગે આખે રે :
આવોને સંતો ! આવો, સાહેબના ઓલિયા રે ! ૨
પૃથ્વીને વીંટી મહાસાગરો ઊછળે રે,
નવસેં નદીઓ મારે આંટા રે;
કોટિક ધારે વરસે મેહુલો માથે રે,
તોય પડે છે કંઠે કાંટા રે !
આવોને સંતો ! આવો, સાહેબના ઓલિયા રે ! ૩
- ↑ *"મનને ચઢાવી મેલ્યું ચાકડે રે" - એ ભજનની રાહ.
