આ પાનું પ્રમાણિત થઈ ગયું છે.
૬
કલ્યાણિકા
અમે તો હંસલા રે ઊંચેરા દેશના રે,
ધગતી ધરાએ ઊતર્યા ક્યાંથી રે !
આભની પાર રહ્યાં સરવર અમારાં રે,
તૃષા અમારી છિપે શાથી રે ?
આવોને સંતો ! આવો, સાહેબના ઓલિયા રે ! ૪
લગની લાગી છે એક અમૃતના નામની રે,
ભરી ગંગાજી યે સુકાશે રે;
અલખ સરોવરમાં અંજલિ ભરીને રે
કોણ અમૃત અમને પાશે રે ?
આવોને સંતો ! આવો, સાહેબના ઓલિયા રે ! ૫
વિષમ છે વેદના એ અમૃત તૃષાની રે,
ધખે જીવન રણ જેવું રે :
ભવોભવ કેરી તૃષા અદલ છિપાવે રે,
આપો અમૃત કોઈ એવું રે !
આવોને સંતો ! આવો, સાહેબના ઓલિયા રે ! ૬
