આ પાનું પ્રમાણિત થઈ ગયું છે.
ઝંખના
૭
પ્રભુપ્રેમના પાગલ
· રાગ જંગલો –– દેશી*[૧] ·
અમે રે પાગલ પ્રભુપ્રેમના !
નહીં જાણીએ અન્ય જી ;
ઘટમાં જામી ગઈ ઘેલછા,
તેનું તાન અનન્ય જી !
અમે રે પાગલ પ્રભુપ્રેમના ! ૧
ઉર રે વીંધાયું ઊંડું ઘણું,
ધૂન લાગી છે લાખ જી !
જગત જળાવીને તેહની
ચોળી તન પર ખાખ જી !
અમે રે પાગલ પ્રભુપ્રેમના ! ૨
માલ મલીદા ન માગિયે,
ટુકડા રોટીનું ખાજ જી;
ફાટી તૂટી કંથા ગોદડી :
એજ છે અમ રાજ જી !
અમે રે પાગલ પ્રભુપ્રેમના ! ૩
મહોલ મંદિર ને માળિયાં,
ગમે નહીં ઘરબાર જી !
પૃથ્વી લીલાભરી પોઢવા,
આભ ઓઢવા છે સાર જી !
અમે રે પાગલ પ્રભુપ્રેમના ! ૪
- ↑ *"જનની જીવો રે ગોપીચંદની" એ ભજનની રાહ.
