આ પાનું પ્રમાણિત થઈ ગયું છે.
૧૦
કલ્યાણિકા
આત્માનો સગો
· રાગ માઢ–તાલ લાવણી-હીંચ ·
મારા આત્માનો સગો તું નાથ ! સાહ્ય રે :
મારું મન તુંહીં તુંહીં તુંહીં તુંહીં થાય !
મને મુકીને તું ક્યાં ન કદી જાય રે :
મારું મન તુંહીં તુંહીં તુંહીં તુંહીં થાય ! - (ધ્રુવ)
અંગનાં સગાં સૌ મારાં દૂર થયાં કે
પાસે રહ્યાં ન પરખાય :
હૈયું રડી રડી આખર ઠર્યું આ,
સાચો સગો તો તું જ થાય રે !
મારું મન તુંહીં તુંહીં તુંહીં તુંહીં થાય ! ૧
માટીની મૂર્તિ ને વેળુનાં વહાલુડાં,
દુનિયા ભરી ભરમાય :
ચિત્તનાં ચેતન નહીં અજવાળે આંખને,
તેને તું કેમ દેખાય રે ?
મારું મન તુંહીં તુંહીં તુંહીં તુંહીં થાય ! ૨
