આ પાનાનું પ્રુફરીડિંગ થઈ ગયું છે
૧૬
કલ્યાણિકા
છુપામણાં
· પદ — રાગ ભૈરવી ·
ક્યાં જઈ મુખ એનું ખોળું રે ?
મારો નાથ સંતાઈ રહ્યો ! — (ધ્રુવ)
ખૂણે ખૂણા ઘરના ખોળી વળું હું,
શોધી શોધી આંખ ચોળું રે :
મારો નાથ સંતાઈ રહ્યો ! ૧
ગામ ને ખેતરો ખુંદી રહું હું,
દિલ જેવા દરિયા યે ડહોળું રે :
મારો નાથ સંતાઈ રહ્યો ! ૨
નીચે છે લીલાના લાખો કંઈ પડદા,
ઉપર તો તારાનું ટોળું રે :
મારો નાથ સંતાઈ રહ્યો ! ૩
વનવનમાં ઢૂંઢી સાદ રે પાડું,
સૂતા રે વાયુ ઢંઢોળું રે :
મારો નાથ સંતાઈ રહ્યો ! ૪
