આ પાનાનું પ્રુફરીડિંગ થઈ ગયું છે
આવરણ
૩૭
મુસાફર
• રાગ માઢ — તાલ દાદરો •
તારું નાવ આ ચાલ્યું જાય :
મુસાફર ! તું શું મહીં ઊંધાય :
ભલા, તું તો બેઠો છે માંહ્ય :
મુસાફર ! કેમ અસાવધ થાય ?-(ધ્રુવ)
બંદર બંદર નાવ ફરે ને
અંદર લે ખૂબ માલ :
લાખેણો લાભ ગણી લઈ લક્ષે
જાણે થયો બહુ ન્યાલ !
મુસાફર ! તું શું મહીં ઊંઘાય ? ૧
ડુંગર જેવા લોઢ ઊઠે ને
આવે ચઢી તોફાન;
નાવ રહે મઝધાર ત્યાં ડોલી,
સ્થિર નવ રહે સુકાન :
મુસાફર ! તું શું મહીં ઊંઘાય ? ૨
