પૃષ્ઠ:Kalyanika - Gu - By Ardeshar Khabardar.pdf/૫૦

વિકિસ્રોતમાંથી
આ પાનાનું પ્રુફરીડિંગ થઈ ગયું છે
૩૮
કલ્યાણિકા
 


સાગર ચોગમ ઘૂઘવે ને
ખાય ઝોલાં ખૂબ નાવ;
શઢ તૂટે, સુકાન છૂતે હો !
કરશે કોણ બચાવ ?
મુસાફર ! તું શું મહીં ઊંઘાય ? ૩

મોજાં પ્રચંડ પડે તુતકે ને
ધસતાં બધે જળપૂર :
ઘોર દિશા દિસે ડૂબતી, રહ્યું
બંદર તો બહુ દૂર !
મુસાફર ! ઊઠ, કશું દેખાય ? ૪

જાણ્યો અજાણ્યો માલ ભર્યો તે
ભરદરિયે ઠર્યો ભાર ;
વામે વામે તોય શાંતિ ન પામે,
કેમ ઉતરશે પાર ?
મુસાફર ! કેમ નહીં સમજાય ? ૫

ઓ રે મુસાફર ! માલ ગયો ને
નાવ જશે જળ હેઠ;
સિંધુ કે નાવની ગત નવ જાણી,
વ્યર્થ કીધી તેં વેઠ !
મુસાફર ! રુદન કર્યે શું થાય ? ૬