આ પાનાનું પ્રુફરીડિંગ થઈ ગયું છે
૪૨
કલ્યાણિકા
મનબંધન
• રાગ કાફી—ત્રિતાલ*[૧] •
મન મારું કેમ વાળું રે ?
હો હરિ ! તુંમાં મન મારું કેમ વાળું રે ? -(ધ્રુવ)
મન મારું કેમ વાળું ? ભમે સદા ભમરાળું;
એ તો ઊંડું ઈંદ્રજાળું રે :
હો હરિ ! તુંમાં₀ ૧
અણઠર્યું બધે ઊડે, જઈ પડે રૂડે ભૂંડે;
પ્રીછે નહીં ધોળું કાળું રે :
હો હરિ ! તુંમાં₀ ૨
નિત્ય નિત્ય નવરંગી, ધડી શાણું કે કુઢંગી;
ટેવ એની કેમ ટાળું રે ?
હો હરિ ! તુંમાં₀ ૩
- ↑ * "મુખડાની માયા લાગી રે." એ મીરાંબાઈના પદની રાહ..
