આ પાનાનું પ્રુફરીડિંગ થઈ ગયું છે
૪૬
કલ્યાણિકા
માયાની લગની
• રાગ ભૈરવી — તાલ દાદરો •
તારા મનને છે માયાની લગની રે,
જીવ ! ક્યાં લગી આશ એ જગની ?-(ધ્રુવ)
માયા છે માતા ને માયા છે પત્ની, માયાએ સર્જ્યો સંસાર;
અદ્ભૂત ભેદ ભર્યો ભવ એવો નાચે એ માયાને તાર :
એ તો તારા મહા મીઠી ઠગની રે :
જીવ ! ક્યાં લગી આશ એ જગની ?-તારા₀ ૧
પીંછી નથી, નથી રંગ કે પાટી, નથી અંગુલિ કે હાથ :
મેઘધનુષ્ય ઘડી ઝળી ઊડે, એવો છે માયાનો સાથ !
દસે દિશા એ બાંધી લે દ્દ્ગની રે :
જીવ ! ક્યાં લગી આશ એ જગની ?-તારા₀ ૨
અદ્ધર હિંડોળો એ માયાનો ઝૂલે, બેસે સકળ જીવ માંહ્ય ;
સ્વર્ગ, નરક ને મૃત્યુલોકે ચઢી ચાકે એ ઝોલાં ખાય !
પડે ગમ નહીં સતમારગની રે :
જીવ ! ક્યાં લગી આશ એ જગની ?-તારા₀ ૩