આ પાનાનું પ્રુફરીડિંગ થઈ ગયું છે
સાધન
૬૫
પ્રાર્થના
• કવ્વાલી — તાલ દાદરો •
મારાં પાપે આ અંતર મેલું થયું,
તેને સ્વચ્છ કરી લે ઉગારી, પ્રભો !
અધજ્ઞાને આ જીવન ઘેલું થયું,
તેને સત્ય પ્રભાથી દે તારી, પ્રભો ! - (ધ્રુવ)
મને ત્યાગી ગયા સહુ લોક લડી,
મારી આંખ રહી શતધાર રડી,
મને શાંતિ મળી નહીં એક ઘડી :
તોય તું જ સમીપ છે મારી, પ્રભો ! - મારાં૦ ૧
મારાં અંતરમાં તું જ બોલી રહ્યો,
તારા સ્પર્શથી ચેતન ખોલી રહ્યો,
તારી આશ હું માં તું વિલોલી રહ્યો :
જેવો તેવો લે તારો સ્વીકારી, પ્રભો ! - મારાં૦ ૨
