આ પાનાનું પ્રુફરીડિંગ થઈ ગયું છે
સાધન
૬૭
સોદાગર
• રાગ સારંગ — તાલ ધુમાળી [૧] •
જીવ સોદાગર ! કરી લે સોદો પુણ્યતણો સંસારમાં !
મન કેરી તુલા શુદ્ધ ગ્રહી તોળી દે કર્મ વિચારમાં ! - (ધ્રુવ)
સંસાર બજારે વસ્તુ ઘણી,
સારી નરસી છે વિવિધ ગણી,
ત્યાં થાય પરીક્ષા બુદ્ધિતણી :
જીવ સોદાગર !○ ૧
સહુ ગ્રહ કાજે રવિ આભ તપે,
નિજ અંતરથી જીવન અરપે,
વેરંતો સ્નેહ પ્રકાશ ધપે :
જીવ સોદાગર !○ ૨
લાખો સરિતાનો ક્ષાર ગ્રહે,
ઉર પર લાખો ઘનધાર સહે,
પણ સિંધુ પુનિત જળ નિત્ય વહે :
જીવ સોદાગર !○ ૩
- ↑ "હરિભજન વિના દુખદરિયા સંસારનો પાર ન આવે," - એ રાહ.