આ પાનાનું પ્રુફરીડિંગ થઈ ગયું છે
- તેમણે તો કોઠીમાં ડાબલી સંતાડી દીધી ને.
- સૂર્યનારાયણ તો આથમીને ઘેર આવ્યા ને
- ત્યારે એમણે તો પૂછવા માંડ્યું:
- "તમે બધાનું પૂરું કર્યું ?"
- "હા, હું તો બધાનું પૂરું કરીને આવ્યો ને."
- "કીડીથી કુંજર સુધી કર્યું છે ને ?"
- "તમારી જાણમાં હોય તો લાવો ને !"
- ત્યારે પેલાં તો ધાયાં ધાયાં ડાબલી લઈને આવ્યાં ને,
- ઓળ છપે ડાબલી ઉઘાડી જોઈ ને
- કીડી ચોખાનો દાણો ખાતી'તી ને
- ધીમી રહીને ચોખાનો દાણો વેગળો મેલ્યો ને,
- ત્યારે સૂર્યનારાયણને ડાબલી બતાવી,
- તેમણે તો ઉઘાડીને જુએ તો કીડી મહીં ભૂખી છે ને
- ત્યારે સૂર્યનારાયણે કહેવા માંડ્યું,
- "એ તો કીડી ચોખાનો દાણો ખાતી'તી તમે આઘો મેલ્યોને"
- "ત્યારે જે થાય તે તમે બધું જાણો છો?"
- "હું તો બધુંયે જાણું ને."
- "આપણી પાડોશણમાં છાણાં કોણે લીધા છે ને ?"
- "થોડાબોલી થઈ જાય છે ને,
- વત્તાબોલીને માથે પડે છે ને."
- સૂર્યનારાયણ તો ઊગવા ગયા ને,
- ત્યારે પેલી તો સહિયરો પાણી ગયાં ને,
- તેમની જોડે રન્નાદે પાણી ગયાં છે ને,
- "અલી ઓ, આમ આવ, તને વાત કહું ને,
- તારાં છાણાં તો પેલી વત્તાબોલી નથી લઈ જતી
- પણ થોડાબોલી લઈ જાય ને,
- તું વત્તાબોલીને ગાળો ભાંડીશ નહીં ને."
- "તને કોણ કહ્યું ને?"
- "મને મારા સૂર્યનારાયણે કહ્યું છે ને."
- પેલાં તો કટમકટા લડવા માંડ્યું ને
- સામસામી ગાળો ભાંડે છે ને,
- પાંચ પચાસ ગાળો સૂર્યનારાયણે ભાંડી છે ને.
