પૃષ્ઠ:Killol.pdf/૨૬

વિકિસ્રોતમાંથી
આ પાનું પ્રમાણિત થઈ ગયું છે.

મારો પગ ગ્યો લપસી
પડ્યો ગગનથી
ઉતર્યો આંબા—ડાળ;

તું તો નીર–નીતરતી ન્હાતી રે
એક સરવરિયાની પાળ;
તું તો જળ–ઝીલણિયાં ગાતી રે
તારી ડોકે ફુલની માળ;

મને જુગતે લીધો ઝીલી રે
મારાં અંગ હતાં ગારાળ;
તારા અંતરમાં ઝબકોળી રે
મને નવરાવ્યો તતકાળ ;

તારા ઉરથી ઢળી ગઈ લાલી રે
મને રંગ્યો લાલમ લાલ;
તું તો બની ગઇ કાળી કાળી રે
મને કરિયો લાલ ગુલાલ !

તારે આવડી લાલપ ક્યાંથી રે
મારા લાડકવાયા લાલ !