પૃષ્ઠ:Killol.pdf/૪૯

વિકિસ્રોતમાંથી
Jump to navigation Jump to search
આ પાનું પ્રમાણિત થઈ ગયું છે.
૩૧


વેલો ઉઠીને કાલ્ય કટ કટ હાંકજે
બાપુનાં વ્હાણ ને વિમાનો
હો વીરનું હાલરડું વાલું – વાલીડા૦

ટણણણ રણઝણ ટોકરીઓ વાગે ને
ગમમમ આસમાન ગાજે રે;
જૂઠી જૂઠી જરીક બીડી જા આંખડી !
બાપુ આવે છે ધેર આજે
હો વીરનું હાલરડું વાલું.

ઉંઘી જા ઝટ
પોઢી જા પટ
તને દેખાડું સોણલું રૂપાળું
હો વીરનું હાલરડું વાલું.

વાલીડા વીરનું હાલરડું વાલું !
હૈયાના હીરનું હાલરડું વાલું !