પૃષ્ઠ:Killol.pdf/૫૧

વિકિસ્રોતમાંથી
Jump to navigation Jump to search
આ પાનું પ્રમાણિત થઈ ગયું છે.
૨૫


મીઠાં પંપાળું ભૂખ્યાં તરસ્યાંના બાળ;
નીંદરડી ! વીર મારો સૂતો નથી.

તમે કોણ સરોવરે સંચરતાં ?
તમને વ્હાલા રે કોના નૌકા-વિહાર
નીંદરડી ! વીર મારો સૂતો નથી.

હું તો નવ રે સરોવરે સંચરતી,
નથી વહાલા રે મને નૌકા–વિહાર
નીંદરડી ! વીર મારો સૂતો નથી.

હું તો ઘોર સાગરમાં ઘૂમી રહી,
મુને વહાલાં રે વાવાઝોડાંનાં વ્હાણ
નીંદરડી ! વીર મારો સૂતો નથી.

હું તો મેઘલી રાતને મધ દરિયે
પ્રીતે પોઢાડું વ્હાણવટીઓનાં બાળ
નીંદરડી ! વીર મારો સૂતો નથી.

મીઠાં ઉંઘાડું કો' ખલાસીનાં બાળ
નીંદરડી ! વીર મારો સૂતો નથી.