આ પાનું પ્રમાણિત થઈ ગયું છે.
૩૪
તમે કોણ બગીચાની લહેર લીયો?
કેવાં માણો રે મેના મોરનાં ગીત
નીંદરડી ! વીર મારો સૂતો નથી.
હું તો મને લ્હેર બગીચાની લેતી નથી,
નથી ગમતાં રે મેના મોરનાં ગીત !
નીંદરડી ! વીર મારો સૂતો નથી.
હું તો વીંઝુ છું નિરજન રણવગડા,
મુને વહાલી રે સિંહ વાઘની ત્રાડ
નીંદરડી ! વીર મારો સૂતો નથી.
હું તો કાળા બપોરની પગ બળતી,
પ્રીતે પોઢાડું ગોવાળીડાનાં બાળ
નીંદરડી ! વીર મારો સૂતો નથી.
સુખે સૂવાડું થાક્યાં ખેડુનાં બાળ
નીંદરડી ! વીર મારો સૂતો નથી.
તમે શોખીલાં શાની રસોઇ તણાં?
તમે જમતાં રે કેના બતરીસા થાળ
નીંદરડી ! વીર મારો સૂતો નથી.