આ પાનું પ્રમાણિત થઈ ગયું છે.
૫૬
વીરા! તમે દેશદેશે ભટકો,
ગોતી એને દેજો મીઠો ઠબકો,
લખ્યો નથી કાગળનો કટકો!
વાહૂલિયા હો ધીરા ધીરા વાજો!
મેઘલ રાતે ફુલ મારૂં ફડકે,
બાપુ! બાપુ ! બૂમ પાડી થડકે,
વિજોગણ હું યે બળું ભડકે!
વાહૂલિયા હો ધીરા ધીરા વાજો!
સૂતી'તી ને સ્વામી દીઠા સ્વપ્ને,
'વ્હાણે ચડી આવું છું' કે'તા મને,
ચાંદલિયા! વધામણી દૈશ તને!
વાહૂલિયા હો ધીરા ધીરા વાજો!
મીઠી લ્હેરે મધ દરિયે જાજો,
વ્હાલાજીના શઢની દોરી સ્હાજો,
આકળિયા નવ રે જરી થાજો,
વાહૂલિયા હો ધીરા ધીરા વાજો!
