પૃષ્ઠ:Killol.pdf/૭૮

વિકિસ્રોતમાંથી
આ પાનું પ્રમાણિત થઈ ગયું છે.

૬૦


શિવાજીનું હાલરડું


આભમાં ઉગેલ ચાંદલો ને
જીજીબાઈને આવ્યાં બાળ,
બાળૂડાને માત હીંચોળે
ધણણણ ડુંગરા બોલે!
શિવાજીને નીંદરૂં નાવે
માતા જીજીબાઈ ઝૂલાવે.

પેટમાં પોઢીને સાંભળેલી બાળે
રામ લખમણની વાત,
માતાજીને મુખ જે દિ'થી
ઉડી એની ઉંઘ તે દિ'થી.

પોઢજો રે મારાં બાળ !
પોઢી લેજો પેટ ભરીને આજ,
કાલે કાળાં જુદ્ધ ખેલાશે
સૂવા ટાણું ક્યાંય નૈ રે'શે.