આ પાનું પ્રમાણિત થઈ ગયું છે.
૧૨૦
લીલુડી ધરતી
‘ચોમાહું ચરશે તો ડિલ વળશે.’
‘સાચું.’
‘ને એનો વેલો-વસ્તારે ય વધશે.’
ગમાણમાં વાસીદું કરતી સંતુએ આ વાક્ય સાંભળીને રોમાંચ અનુભવ્યો.
‘તારી વાત તો સાચી છે.’ હાદા પટેલે કહ્યું. પણ કાબરી આવી છે વવ ભેગી. વવની હા હોય તો ખીલેથી છોડી જા.’
ગમાણમાંથી જ સંતુએ સનકારો કરીને ધનિયાને હા ભણી દીધી.
‘લ્યો, વવ તો હા ભણે છે.’ ધનિયાએ કહ્યું.
‘તો લઈ જા ધણમાં.’ હાદા પટેલે રજા આપી. ‘ફરે ઈ ચરે ને બાંધ્યું ભૂખે મરે...’
ધનિયો ડેલી બહાર નીકળ્યો ત્યારે એની પાછળ પાછળ જઈ રહેલી કાબરીને જોઈને સંતુ રોમરોમ ઝણઝણાટી અનુભવી રહી.
*
