આ પાનું પ્રમાણિત થઈ ગયું છે.
૩૬
લીલુડી ધરતી-૨
ઉપર એક વધારે આગળિયો વાસ્યો, ને નવેળામાં જઈને ભયભીત અવાજે ધીમેથી સાદ કર્યો :
‘ઝમકુવવ ! એ...ય ઝમકુવવ ! આ ગોકીરો શેનો થ્યો ? ખમીસો બારવટિયો તો ગામમાં નથી ગર્યો ને ?’
નવેળાની પદ્ધતિના જાળિયામાંથી ઝમકુએ એથી ય અદકા ભયભીત અવાજે જવાબ આપ્યો :
‘ના ના; આ તો કિયે છ કે રઘાબાપાને ને એના ગિરજાને કો’ક મારે છે. અંબામાની હોટલમાં લાકડિયું ઊડે છે ને સોડાની બાટલિયું ફૂટે છે.’
*