પૃષ્ઠ:Nhana Nhana Ras Part-3.pdf/૩૯

વિકિસ્રોતમાંથી
આ પાનું પ્રમાણિત થઈ ગયું છે.
૧પ, આહીરિયાં અજાણ





અમે તો આહીરિયાં અજાણ,
સુજાણ ! ત્હમે શાં શાં જાણ્યાં રે ?

સૂર્યના સોહાગમાં ને ચન્દ્રના પરાગમાં
ફુલડાંના પ્રફુલ્લેલા પ્રાણ;
સુજાણ ! ત્હમે શાં શાં જાણ્યાં રે ?

ઉગન્તી આશનાં કે આથમી નિરાશનાં
સજ્જનોના આત્મનાં ઉંડાણ:
સુજાણ ! ત્હમે શાં શાં જાણ્યાં રે ?

સલૂણા સ્હવા૨ની કે શીળી મીઠી સ્હાંજની
પ્રેમીએાના પ્રેમની રસમાણઃ
સુજાણ ! ત્હમે શાં શાં જાણ્યાં રે ?

પુણ્યના પ્રકાશમાં કે પાપના અન્ધારમાં
હૈયાના રત્ન કેરી ખાણ
સુજાણ ! ત્હમે શાં શાં જાણ્યાં રે ?