પૃષ્ઠ:Nhana Nhana Ras Part-3.pdf/૫૨

વિકિસ્રોતમાંથી
આ પાનું પ્રમાણિત થઈ ગયું છે.

૫૨


૨૩, મોરૂ ! મોરૂ !




મોરૂ ! મોરૂ ! કય્હાં થકી જઈશ ?
ભમરભૂલી મોરલી રે !
અણુમાંથી ઉડી ઉડી જઈશ,
અમર મ્હારી મોરલી રે !

ફરતી છે પર્વતમાળ,
ભમરમૂલી મોરલી રે !
ગરૂડ શી ગિરિને કુદીશ,
અમર મ્હારી મોરલી રે !

ચોગમ ચ્હડી આવ્યા મેઘ,
ભમરભૂલી મોરલી રે !
વીજળી શી ધનને વીંધીશ,
અમર મ્હારી મોરલી રે !

નીલઘેરૂં ઘેરે આકાશ,
ભમરભૂલી મોરલી રે !
વાદળના પટ ફોડી જઈશ,

અમર મ્હારી મોરલી રે !