આ પાનું પ્રમાણિત થઈ ગયું છે.
૬૫
ચાલુ હું પલવટ સંકોરતી, અહેા જોગી રે !
કાંઈ જગ સંકોર્યા ન જાય, અમર ! ઉરભોગી રે !
ભરિયા સરોવર લ્હેરતા, અહો જોગી રે !
મ્હોર્યો આબલો ઉભો ઘાટ, અમર ! ઉરભોગી રે !
સ્કન્ધે વેલડ ડોલતી, અહો જોગી રે !
ત્યહાં હું જોઉં છું તારી વાટ,અમર ! ઉરભોગી રે !
આવજે મીઠપ માણવા, અહો જોગી રે !
કાંઈ ઝરજે નેણલે નૂર, અમર ! ઉરભોગી રે !
વાજે ઉરની વાંસળી, અહો જોગી રે !
તું છે નિતનો દૂર અદૂર અમર ! ઉરભોગી રે !
ઘડી ઘડી દીવડો સંકોરતી, અહેા જોગી રે !
મ્હારી ખૂટે ન માઝમ રાત, અમર ! ઉરભોગી રે !
પ્રેમપરવે લઈ આવજે, અહો જોગી રે
ત્હારી જોગી જતીની જમાત અમર ! ઉરભોગી રે !
♣
