આ પાનું પ્રમાણિત થઈ ગયું છે.
૯૨
ઘૂમે મ્હારી આંખડીના મોર રે,
મોરલી ભમ્મરિયા કૂવાને કાંઠડે.
સરોવરજળ થંભી ગયા રે, મોરલી
ભમ્મરિયા કૂવાને કાંઠડે
થંભ્યા મ્હારા હૈયાનાં નીર રે,
મોરલી ભમ્મરિયા કૂવાને કાંઠડે.
પડતી સન્ધ્યા યે થંભી ઘડી રે, મોરલી
ભમ્મરિયા કૂવાને કાંઠડે;
થંભ્યા ઘડી વસન્તના સમીર રે,
મોરલી ભમ્મરિયા કૂવાને કાંઠડે.
સ્હાંજ પડી, ને સૂરજ આથમ્યા રે, મોરલી
ભમ્મરિયા કૂવાને કાંઠડે;
સંકોરી તેજ કેરી કોર રે,
મોરલી ભમ્મરિયા કૂવાને કાંઠડે;
સંકોર્યા ન જાય ચિત્તચકોર રે,
મોરલી ભમ્મરિયા કૂવાને કાંઠડે.
♣
