પૃષ્ઠ:Nhana Nhana Ras Part-3.pdf/૯૩

વિકિસ્રોતમાંથી
આ પાનું પ્રમાણિત થઈ ગયું છે.
૯૩


૪૯, વસન્તના વાયરા





૧. પૃથ્વીએ પલવટ પાથર્યા રે;
સૂરજે મરડેલી કોર,
રે ભાભી મોરી ! વાયા વસન્તના વાયરા રે.
બોલે છે કીકીની કોકિલા રે
વસન્તના કલશોર,
રે નણદલબા ! વાયા વસન્તના વાયરા રે.

૨, વેલે વેલે ફૂલ ઉઘડ્યા રે,
પાંખડીઓ લહેરાય,
રે ભાભી મોરી ! વાયા વસન્તના વાયરા રે.
કિરણોમાં ઉષ્માની માધુરી રે;
જો જો ! કુંપળ ના કરમાય,
રે નણદલબા! વાયા વસન્તના વાયરા

૩. 'કેવડિયે ગૂંથી છાબડી રે',
એવા સહિયરોનાં રૂપ,
રે ભાભી મોરી । વાયા વસન્તના વાયરા રે.
જેવાં આ તેજ વસન્તનાં રે,
એવાં ઉઘડશે અનુપ;
રે નણદલબા ! વાયા વસન્તના વાયરા રે.