આ પાનું પ્રમાણિત થઈ ગયું છે.
રાતલડી
લય-કુંજલડી રે સંદેશો હમારો
રાતલડી, વ્હાલા ! રોઈ રોઈ ગાળતી.
ચંદાને તારા યે રોતા મારી સાથ હો !
રાજવી વિહોણાં જીવવું યે ના ગમે,
આવોને નાથ મારી સૂની સૂની બાથ હો !
રાતલડી, વ્હાલા ! રોઈ રોઈ ગાળતી.
નયણાં ભરાય, ઊભરાય અંધકાર આજ !
હૈયાં પિંખાય; પ્રાણ કારમાં વિજોગબાણ !
કાળી કાળી રાતડી ને ખોવાયો ચાંદલો;
શાને ઊગો ન મારા જીવનના ભાણ હો !
રાતલડી, વ્હાલા ! રોઈ રોઈ ગાળતી.
એકલડાં આમ રાજ ! અમને ન મૂકીએ.
ભૂલ્યાંને પાઠવીએ શાણા સંદેશ કાં’ક !
વાટડી નિહાળતી આ બાળી વિજોગણ
થાકી લલાટ હાથ ધારી રડે એ રાંક !
રાતલડી, વ્હાલા ! રોઈ રોઈ ગાળતી.
૧૦૬ : નિહારિકા
