આ પાનું પ્રમાણિત થઈ ગયું છે.
ચીલો સમાર
‘તારી વાંકી કટાર ક્યાં ભાંગી ?
ગ ર સિ યા ર ણ શૂરા.
તારી તેજે ઝબોળી તલવાર–
કીધ એના કોણે ચૂરા ?’
‘મારી વાંકી કટારે લોહી ના રેડ્યાં;
મારી તાતી તલવારે રણ ના ખેડ્યાં;
મારા ગામડાંનો મારગ ગોઝારો,
પડે માણકીનો પગ ના એકધારો.
એ મારગે ભાંગી મારી કટાર;
તોડી એ મારગે તેજી તલવાર.’
‘તારી ગાવડીના ઝાંઝર ઝમકે નહિ,
તારી આંખો શેં આજે ચમકે નહિ ?
અરે ગાયના ગોવાળ !
ગાયના ગોવાળ !
તારી કડિયાળી ડાંગ આજ ખણકે નહિ.’
‘મારી ગોરીનો પગ આજ મચકાયો,
મારી આંખે તે મેહુલો છલકાયો.
ગોઝારા ગામનો ગોઝારો મારગ !
મારું ગોવાળું ત્યાં ભૂલી આવ્યો.’
૧૨૮ : નિહારિકા
