પૃષ્ઠ:Niharika.pdf/૧૬૨

વિકિસ્રોતમાંથી
દિશાશોધન પર જાઓ શોધ પર જાઓ
આ પાનાનું પ્રુફરીડિંગ થઈ ગયું છે



તુંહી તુંહી

૦ રાહ સુંદર વેણુ વાગી ૦


આતમ જ્યોત દેખી, જ્યોત દેખી.
હાં રે છબી આંખે હતી એ વણ પેખી;
હો આતમ જ્યોત દેખી, જ્યોત દેખી.

હાં રે જ્યો ઝળકે અગમ ગઢ ટોચે;
હાં રે જ્યાં ન તારા સૂરજ શશી પહોંચે.
હો આતમ જ્યોત દેખી, જ્યોત દેખી.

હાં રે ગંગ થંભી, જમુના માગ ચૂકી.
હાં રે મહેરામણે માઝા મૂકી.
હો આતમ જ્યોત દેખી, જ્યોત દેખી.

હાં રે પ્યારા પિંજરની જાળીઓ તૂટી.
હાં રે હંસ ઊડ્યો આ માળખેથી છૂટી.
હો આતમ જ્યોત દેખી, જ્યોત દેખી.

હાં રે કોણ મારું ને કોણુ તારું ભૂલ્યાં.
હાં રે સહુ એક બની એકતામાં ઝૂલ્યાં.
હો આતમ જ્યોત દેખી, જ્યોત દેખી.

હાં રે વાણી અટકી, ને જ્ઞાન રહ્યું મોહી.
હાં રે એક ભણકારો વાગે તુંહી તું હી !
હો આતમ જ્યોત દેખી, જ્યોત દેખી.

તુ હી તુંહી : ૧૫૧