આ પાનું પ્રમાણિત થઈ ગયું છે.
નેહ
૦ રાગ-દેખો સખી ડોલરિયો ૦
દાઝે છે તો ય એ તો દોડે.
રોકાય ના પતંગ જ્યોતઘેલો.
વાર્યો રહે નહીં, હાર્યો કહેવાય નહીં.
પડતો એ ઝાળમાંહી પ્હેલો !—
રોકાય ના પતંગ જ્યોતઘેલો.
તરસ્યો કુરંગ જરી લે ના વિસામો.
મૃગજળનો ન મળે રેલો !
રોકાય ના પતંગ જ્યોતઘેલો.
વારિ ભરેલી કાંઈ વાદળીઓ વરસે.
તરસ્યો એ ચાતક અકેલો !
રોકાય ના પતંગ જ્યોતઘેલો.
સંતાડે તેજભર્યું મુખ ચંદ્ર તો યે
ઉદધિ રહે છે ઊછળેલો !
રોકાય ના પતંગ જ્યોતઘેલો.
ચાહ, ન ચાહે પ્રિય તેનું ન ભાન રહે,
એવો એ નેહ અલબેલો !
રોકાય ના પતંગ જ્યોતઘેલો.
૪૨ : નિહારિકા
