આ પાનું પ્રમાણિત થઈ ગયું છે.
નાની શી હોડી
લય - મારે મોઢે મનાવી
મારી નાની શી હોડી,
ડોલે એ થોડી થોડી,
ઘેરાં વારિને હૈયે એ
નિત્યે રમે— મારી
ધીમી લહેરે સમીર
ચૂમે નાવ તણાં નીર;
આછી હલકે એ નાવ મારી
નાચતી નમે— મારી
ઝરે ચંદ્ર તણાં તેજ,
ગૂંથી તારલાની સેજ,
મારી હોડલી સુએ ને શીળી
ચાંદની ઝમે— મારી
ઊંચી ભેખડો કરાલ,
ખડક ડોકાતા વિશાલ .
હસી નાવ મારી રંગભરી
ફૂદડી ઘૂમે—મારી
કદી સૂર્ય તપી જાય,
અડી મેઘની ઝીંકાય,
૭૦ : નિહારિકા