આ પાનાનું પ્રુફરીડિંગ થઈ ગયું છે
૩૩
દીનબાળક
(ગરબી.*[૧])
માડી ! દીન બાળને લે ની સ્નેહ-ઉછંગમાં રે,
ર્હે મુજ સંગમાં રે,
માડી ! ૦
શિશુજન રમવા વન થેં મૂક્યો,
વિપથ ગયો નિજ મારગ ચૂક્યો,
કુસુમો વીણતાં કંટક વાગ્યા અંગમાં રે,
માડી ! ૦ ૧
અંગ ઉઝરડા રુધિર વહંતો,
બાળક તુજ બેહાલ ભમંતો,
ચુમ્બન દઈ તું પાછો પ્રેરય ઉમંગમાં રે,
માડી ! ૦ ૨
કોકિલજન પાછળ ભટકી
અજાણ પડિયો ગર્ત જ અટકી,
મલિન થયાં સહુ ગાત્ર પડીને પંકમાં રે,
માડી ! ૦ ૩
નિરખીને પડતો આખડતો,
લે ની ઊચકી શિશુ તું રડતો;
- ↑ *‘કામણ દીસે છે અલબેલા ત્હારી આંખ્યમાં રે’ — એ ચાલ.
