આ પાનાનું પ્રુફરીડિંગ થઈ ગયું છે
૩૫
ઉત્સવપ્રસંગે.
(પદ.*[૧])
અરુણરંગી દીપાવો આજ પ્રભાત,
ત્હમે સદય હૃદય જગતાત !
અરુણરંગી૦ —
ઘનદળ શ્યામળ ઘેરી દિશા સહુ, રજનિ તિમિર છે અગાધ;
પ્રેમકિરણ પ્રગટાવી મનોહર પ્રેરો ઉમંગ, એ નાથ !
અરુણરંગી૦ — ૧
દિવ્ય આશ રંગશે ઘનદળને, દૂર જશે કાળી રાત્ય,
ભક્તહૃદય આનન્દ-ઉદય થઈ, ગાશે વિહંગની સાથ;
અરુણરંગી૦ — ૨
ભારતલલના દબી દુઃખભારે, કૉણ ગ્રહે હેનો હાથ ?
ભારતભગિનીહૃદય બળ પ્રેરો, યાચિચે એ દિનરાત્ય;
અરુણરંગી૦ — ૩
જનસેવામાં નિરંતર રહિયે અર્પણ કરી નિજ જાત્ય,
એહ મનોરથ સફળ કરો પ્રભુ ! યાચે આ ભગિનીસાથ;
અરુણરંગી દીપાવો આજ પ્રભાત. ૪
- ↑ * ‘નાથ કૈસે ગજકો બંધ છોડાયો’ — એ ચાલ.