આ પાનું પ્રમાણિત થઈ ગયું છે.
બીજી આવૃત્તિની પ્રસ્તાવના
'પંકજ'ની બીજી આવૃત્તિ આઠ વર્ષે બહાર પડે છે. આ નવલિકાસંગ્રહ કેટલો વંચાતો હશે તેનું માપ એ ઉપરથી કહાડી નમ્રતાપૂર્વક ઈચ્છું છું જ કે આથી ઘ્ણાં ઓછાં વર્ષમાં આવૃત્તિઓ બહાર પાડી શકે એવા સમર્થ નવલિકાલેખકો આપણા ગુજરાતમાં જાગી સાહિત્યને શોભાવે. નવલિકાનો સાહિત્યપ્રકાર વધારે ને વધારે ખીલતો જાય છે એ હું આનંદસહ જોઈ રહ્યો છું.
અમરેલી
રમણલાલ વ. દેસાઈ
તા. ૨૦ માર્ચ ૧૯૪૪
પહેલી આવૃત્તિની પ્રસ્તાવના
છેલ્લાં બેત્રણ વર્ષમાં માસિકો અને સામયિકોમાં મારી ટૂંકી વાર્તાઓ પ્રગટ થયેલી તે 'પંકજ'ને નામે પ્રસિદ્ધ થાય છે.
નવલિકાનો આ મારો બીજો સંગ્રહ છે.
વાચકોને આ સંગ્રહ ગમશે તો તેની પ્રસિદ્ધિ સાર્થક થશે.
નવસારી
રમણલાલ વ. દેસાઈ
૩૦ નવેમ્બર ૧૯૩૫
