આ પાનાનું પ્રુફરીડિંગ બાકી છે
તારું સ્વાર્પણ અંતરમાં જ લહું; કથા અદ્ભુત એ જઈ કોને કહું? સ્મરનાં જલ માંહી નિમગ્ન રહું; મને સાંભરે આપણી રાત, સખી!
રાત રૂપાળી, રૂડી, રસાળી હતી; આશકોની અપૂર્વ દિવાળી હતી; આખી ઉત્સવ માફક ગાળી હતી; મને સાંભરે આપણી રાત, સખી!
પ્રાણો આપણાનો ત્યારે યોગ થયો, અંગેઅંગનો ઉત્તમ ભોગ થયો; અને આખર આમ વિયોગ થયો! મને સાંભરે આપણી રાત, સખી!
હસે આકાશે ચંદ્રમા, તારા લસે, મને સાંભરે આપણી રાત, સખી! શરદ પૂનમની રઢિયાળી સદા; મને સાંભરે આપણી રાત, સખી!
