આ પાનાનું પ્રુફરીડિંગ બાકી છે
૭૯. સ્મિતપ્રભાને
ક્યારે મળું, ક્યારે મળું, એની એ જ ઝંખનામાં
સ્વપ્ન વિશે એક વાર ભેટ પ્રિયાની થઈ;
ઝટ દોડી ઝાલ્યો હાથ એટલે તો પાછી ચાલી
પરમ પ્રયાસ વતી હાથ છોડાવી દઈ;
પિયુ ઝંખવાણો પડયો, પરિતાપ તેનો જોઈ
ભીતિ બધી દૂર કરી સસ્મિત પાસે ગઈ;
સ્મિતપ્રભા જોવા આડે બીજું કૈં કરી ન શક્યો
એટલામાં અરે, હાય! આંખ ઊઘડી ગઈ.
એ જ સ્મિતે હર્યું હશે કૃષ્ણનું રાધાએ ચિત્ત, સુભદ્રાએ કુંતીપુત્ર મોહિત કર્યો હશે; એ જ સ્મિતે દુષ્યન્તની ફેરવેલી હશે વૃત્તિ, એ જ સ્મિતે નળરાય સતીથી ઠર્યો હશે; એ જ સ્મિતે પુરૂરવ લુબ્ધ થયો ઉર્વશીમાં, એ જ સ્મિતે વિશ્વામિત્ર દર્પને હર્યા હશે; નહિ જોઉં એવું સ્મિત ફરી ફરી એમ જાણી, પ્રીતમ મદાલસાનો ઘેલો થઈ ફર્યો હશે.