...પુરુષને પટાવવો અને ન સમજે તો એની સાથે કટ્ટા કરવી.
ચંદા : જગતભરનું સ્ત્રીત્વ પુરુષ સાથે-જગતને દોરતા પુરુષ સાથે એક વિરાટ કટ્ટા કરે તો ?...એ જ...અસહકાર ! યુદ્ધને વિચારનાર, સંહારને આવકારનાર, શસ્ત્રને સર્જનાર અને સજાવનાર પુરુષનો વિશ્વવ્યાપી અસહકાર !
વીજળી : એ વગર સંહાર ઉપર વિજય ન મળે! હવે સ્ત્રીનો નવો ઇતિહાસ રચવા દઈએ.
ચંદા : હા. અને પછી તો..
- [ કવિ અને નૃત્યકાર આવે છે.]
કવિ : જય જય!
નૃત્યકાર : જય જય!
ચંદા : પધારો, ભાઈ ! કેમ આવવુંં થયુંં?
કવિ : આપને તો યાદ હશે જ! ઘવાયલા સૈનિકોની સહાય અર્થે જલસો આપણે ગોઠવ્યો હતો તે !
નૃત્યકાર : શું યુદ્ઘનૃત્ય ગોઠવ્યું છે... !
- [ સહજ તાંડવઠમકો બતાવે છે.]
વીજળી : આ તમારું ધડિમ્ ધિમ્ ધિમ્ અમને ન ખપે. યુદ્ધનું નામ હોય ત્યાં અમારો શ્વાસ પણ નહિ!
કવિ : પછી તો આખો વીરરસ મરી જશે...આ અહિંંસાએ આપણો ઘાણ કાઢી નાખ્યો...મેં જે કાવ્યરચના કરી છે અને આ શિશિરે જે નૃત્યરચના કરી છે...વાહ ! વાહ !
વીજળી : માણસ મરે, માણસાઈ મરે, એના કરતાં તમારો વીર રસ ભલે મરતો...અહિંસા વગર પણ તમે ક્યાં ઓછો ઘાણ કાઢો છો?
[ બ્રહ્મચારી આવે છે. ]
- જય જય, ધર્માત્મા !
