આ પાનું પ્રમાણિત થઈ ગયું છે.
૧૧૮:પુષ્પોની સૃષ્ટિમાં
સર્જન કરનારે શું સર્જ્યું
વહાણ વીણા સુકાન?
એક આંખમાં અશ્રુ વહેતાં,
અન્ય આંખમાં હાસ્ય,
પ્રાણીને પગ ચાર, માનવી
બે પગ કેરો દાસ.
એ માનવને હૈયે ઊછળે
બુ દ્ધિ કે રો તો ર્,
બુદ્ધિ બળમાં ઊપજે ડાકુ
જલ્લાદો વળી ચોર.
ચાર દિવસની ચાંદની માંહે,
રાસ રમત ગુલતાન,
કાળ કરાળની ઝાળ પ્રજાળે
તો યે મન અભિમાન,
ભાઈ ભાઈને લૂંટી લેતો,
સ્ત્રીદેહે નહિ સુત્ર,
મોજ માણવા યુદ્ધે હોમે
પત્ની જાયો પુત્ર.
પુચ્છ વિનાનો વાનર એ નર,
પંખી પાંખ વિહીન,
શૃંગ વિનાનો પશુ શું માનવ ?
ભૂત, પ્રેત કે જીન ?
હું કોને હસું છું? શા માટે હસું છું? તમને બંનેને હસું છું, મને આખી સૃષ્ટિ અને સૃષ્ટિમાં ચાલતી સઘળી પ્રવૃત્તિઓ હસવા જેવી લાગે છે માટે હસું છું.
