વેચાવા તુજ દેહ રચાયો ?
અય ગુલામ ! બંધન છોડ !
સા-રે-ગ-પ-ધ-સા
વીજળી : આવું ગાવું તો ન ફાવે! પેલું. સાસા-તત-૫૫-કરો છો, એ તો બોબડું લાગે છે. અમે ગામડિયાં ગાઈએ એની ઝમક જુદી હો ! એ ઝમક ભગવાનના નામ વગર ક્યાંથી આવે ?
ચંદા : ગા જોઈએ. ગામડિયા ઝમક શહેરમાં લાવીએ, ભગવાનના નામ વગર. ભગવાને કોઈનું સારું કર્યું દેખાતું નથી ! છતાં ગા તો ખરી ? લોકગીતોની લઢણ મને ગમે છે.
વીજળી : સાંભળો ત્યારે ભગવાનનું નામ !
*[૧]
ગાયો ચારીને ગોવિંદ ઘેર આવ્યા
ને વારણાં તે લઉં વારી વારી,
ઘરમાં પેસંતાં કા’ન ઉઘાડા દીઠા,
ઝૂલણી ક્યાં રે વિસારી ?
હો નંદજીના...નાનડિયા રે,
ખમા મારા પ્રેમના...પાતળિયા રે,
ખમ્મા રાય રણછોડ...રંગીલા રે,
ખમ્મારાય ઝૂલણી ક્યાં રે વિસારી ?
પણ હવે આખો દિવસ ગાવું છે કે બીજું કશું કરવું છે ?
ચંદા : હા હા; પણ જરા આગળ ગાને ? લઢણ ઉતારવા જેવી છે. કેટલાંક આઝાદીનાં ગીત આ ઢાળમાં બેસાડીએ તો સારું.
વીજળી :
રૂવે રૂવે ને કા’ન રુદન કરે ને
લાવો બેસારું સામે ઓટે;
એ રે ઝૂલણીને કારણે કા’ન
મંદિરિયામાં લોટે...હો નંંદજીના૦
- ↑ *લોકગીત
