આ પાનાનું પ્રુફરીડિંગ થઈ ગયું છે
એવો પ્રભુજીના પ્રેમને રે સહિયર ! આવો૦
સાગર શો છલકાય રે, સહિયર ! આવો૦
ઉરની ૨ચાવી રૂડી અંજલિ રે, સહિયર ! આવો૦
ઝીલો ઝરણ વહ્યાં જાય રે.
સહિયર ! આવો એ જળ ઝીલવા.
(કોઈ વારોને નન્દના કુંવરને–એ ઢાળ )
મારી વાડી ફુલી ફુલવેલીએ,
માંહિ મોગરો એક અમેાલ રે,
દેરીડો સખિ! મનમીઠડો;
દીપે ડોલરિયે કુળદીવડો,
એના ફૂલ શા બાલુડા બોલ રે, દેરીડો૦
એ તે તારલિયો અમ આભનો,
ઝીણા તેજભર્યો ઝળકાય રે; દેરીડો૦
એ તે કુણો કમળ કેરો ડોડવો,
મારા મીઠા સરોવરમાંય રે. દેરીડો૦
અભિલાખભરી એની અાંખડી,
એને મોઢડે મહેકે મીઠાશ રે; દેરીડો૦
માંહિ શોભે શરમ કેરા શેરડા,
ભેળા ઉરના શા ઉજળા ભાસ રે ! દેરીડો૦
