પૃષ્ઠ:Raschandrika Part 1 and 2.pdf/૧૦૦

વિકિસ્રોતમાંથી
આ પાનાનું પ્રુફરીડિંગ થઈ ગયું છે
૮૬
રાસચંદ્રિકા
 


ભૂરે પહાડ ઉષા સંતાઈ રે, મારી કોયલ બહેનાં,
ઝીણું તેજ વેરે મહીંમાંહીં રે મારી કોયલ બહેનાં; -
એવી તારી સરે સૂરધાર રે મારી કોયલ બહેનાં,
ઘડી થોભી ઝીલુંટહુકાર રે મારી કોયલ બહેનાં ! ૪

મીઠો આવડો તે શો શોર રે મારી કોયલ બહેનાં ?
ચમકાવે હૈયાં અમ ઘોર રે મારી કોયલ બહેનાં.
ઊડતી ઊડતી દૂર જાય રે મારી કોયલ બહેનાં,
ખરતા તારાશા સૂર ટપકાય રે મારી કોયલ બહેનાં ! ૫

શીળી ચાંદનીમાં મદીનીર રે મારી કોયલ બહેનાં,
લહરી ઉભરાવે તીર રે મારી કોયલ બહેનાં,
તેમાં સરે રૂપેરી અાન રે મારી કોયલ બહેનાં,
તેવી ઉર સરે તુજ વાણ રે મારી કોયલ બહેનાં ! ૬

તુંને પૂછું એઅહીં એક વાત રે મારી કોયલ બહેનાં,
તારી રંગીલી પંખીજાત રે મારી કોયલ બહેનાં :
તારો હર્ષ વહે શો અખંડ રે મારી કોયલ બહેનાં,
કેમ દુઃખદ માનવપંડ રે મારી કોયલ બહેનાં ? ૭

તારું સ્વર્ગ રેલાવતું ગાન રે, મારી કોયલ બહેનાં,
કેમ શોક વસે અમ તાન રે મારી કોયલ બહેનાં ?
અમ હાસ્ય પૂઠે દુઃખછાંય રે મારી કોયલ બહેનાં,
તું તો નિત્ય હસી હસી ગાય રે મારી કોયલ બહેનાં ! ૮