આ પાનાનું પ્રુફરીડિંગ થઈ ગયું છે
પર્વોત્સવ
૧૦૫
દીવાળી
♦ વનમાં બોલે મીઠા મોર. ♦
પ્રગટે ઘરઘર આજ પ્રકાશ,
દિવાળીનાં મેરિયાં રે લોલ:
ઝળકો આર્યભૂમિના વાસ,
હો રંગભર હોલિયાં રે લોલ ! -
ઊંડુ અંતર કાળનું, ઊંડા આ અંધાર;
આવે તેમાં તેજના મોંઘેરા ચમકાર :
ઊંડાં ઊંડા છે અમ ગીત
કે ગરવાં ઘેલિયાં રે લોલ;
આવો, ગાઇએ સહુ શુભ રીત,
હો રંગભર હોલિયાં રે લોલ ! ૧
દીવે દીવે દેવની સ્નેહભરી છે આંખ;
ઝળહળ જ્યોતિ ઝીલતાં, ફૂટે પ્રાણની પાંખ:
સુરવરમુનિવર નર ને નાર
કે એમાં ખોલિયાં રે લોલ;
આવો, કરીએ આત્મવિહાર,
હો રંગભર હોલિયાં રે લોલ ! ૨
