આ પાનાનું પ્રુફરીડિંગ થઈ ગયું છે
હાલરડાં
૧૨૩
હાલીગોરી
♦ માતા જસોદા જુલાવે પુત્ર પારણે . ♦
મારા લાડકવાયા લાલ, જીવો જગમાં ઘણું !
તું તો છે માતાના કાળજડાની કોર;
મારી દુનિયા તો લાડકડા ! છે તુજમાં વસી,
જ્યાં જાઉં ત્યાં તુજને જોઉં ઠોરેઠોર !
મારા લાડકવાયા લાલ, જીવો જગમાં ઘણું ! ૧
મારા લાડકડાને ગાલ ગુલાબો ઝુલતા,
મારા મોંઘાનું મુખ જેમ પ્રભાત હસંત; -
તારાં નયન નયનમાં ચમકે નિર્મળ તારલા,
તુજમાં વસતી હું તો જાઉં સદાય વસંત !
મારા લાડકવાયા લાલ, જીવો જગમાં ઘણું ! ૨
મારા લાલ ! વધાવું તુજને માણેક મોતીએ,
નાનકડા ! તુજ પર વારી જાઉં હું સહેજ;
તારેહૈયે તારલડાની માળા દીપવું,
આંખલડીમાં આંજું ચાંદલિયાનું તેજ !
મારા લાડકવાયા લાલ, જીવો જગમાં ઘણું ! ૩
