આ પાનાનું પ્રુફરીડિંગ થઈ ગયું છે
૧૨૪
રાસચંદ્રિકા
કિલકિલ કરતાં કાલુ વચન છે તારાં, કોડિલા !
મારા કાને કરતાં રૂપેરી રણકાર;
સુણતાં હૈયે સાગર જેવી લહેરો આવતી,
લઈ લઈ ચૂમું ચૂમું મુખ તુજ વાર હજાર !
મારા લાડકવાયા લાલ, જીવો જગમાં ઘણું ! ૪
તારાં દુખડાં લઈ લઉં, વહાલા મારા બાલુડા !
તુંને આંચ ન આવે, કરશે પ્રભુ કલ્યાણ ;
તુજ કાજે મુજમાં સો હાથણકેરું જોર છે !
તારે માટે પ્રેમે દઈ દઉં મારા પ્રાણ ! -
મારા લાડકવાયા લાલ, જીવો જગમાં ઘણું ! ૫
