આ પાનાનું પ્રુફરીડિંગ થઈ ગયું છે
૧૨૬
રાસચંદ્રિકા
ઝૂલણું
♦ અગરબી - રાગ ભીમપલાસ - "રામસભામાં રમવાને ગ્યા'તાં" ♦
લાડકડો લાલ મારો હૂલે ને ઝૂલે
ફૂલે વધાવું એની ચાલ:
મારો હૂલે ને ઝૂલે. ૧
માતાનાં દૂધ અને પિતાની છાંયડી,
દિન દિન વધે મારો બાળ:
મારો હૂલે ને ઝૂલે. ૨
હૈયાનાં તેજ અને આંખોનાં અમરત,
હસતાં ખીલે એને ભાલ :
મારો હૂલે ને ઝૂલે. ૩
દેવોની વાડીનું ફૂલ એક મીઠું,
મારી વાડીમાં ફળે ફાલ :
મારો હૂલે ને ઝૂલે. ૪
આંખોમાં તારલા ને મુખે છે ચંદ્રમા,
ચોંટ્યા પ્રભાતરંગ ગાલ:
મારો હૂલે ને ઝૂલે. ૫
